Tidsskrift for norsk tegneserieliv

Om Serienett

Serienett gir deg siste nytt om norske tegneserie-utgivelser, anmeldelser og andre tegneserierelaterte nyheter. Nettsiden drives og redigeres av Trond Sätre.

Serienett er støttet av Norsk Kulturråd og Bergen kommune.
Norsk Kulturråd
Bergen kommune

Har du tips? Send e-post til trond@serienett.no. Sjekk også ut Serienett på Facebook. En del stoff publiseres kun der, og det er til stadighet gode og interessante menings-utvekslinger om tegneserier på Serienetts Facebook-gruppe.

Søk i Serienett

RSS / Atom

Annonser


Raptus Comics Festival Oslo Comics Expo Deichmanske Serietek

EIN SKUGGE AV SEG SJØLV (20.03.13 )

Lucky Luke er komen til album nr 74.

Av: Knut Robert Knutsen

Vanlegvis prøver eg å unngå « Spoilers » – avsløringar av viktige ting ved plottet – men det nye Lucky Luke albumet er skuffande dårleg og eg må avsløre slutten for å forklare kvifor , etter «spoiler-varselet».

Plottet i Albumet startar enkelt, brørne Dalton prøver å rane ein pengetransport med ein million dollar, men tabbar seg ut og vert arrestert. Joe Dalton vert forbanna og seier at den første av brørne som klarar å rane til seg ein million heilt åleine skal få ta over som sjef for banden. Så dei reiser av stad og finner kvar sin interessante moglegheit for å tene pengar.

Achdé har teikna nokre Lucky Luke album no, så dei problema eg har med teikningane, sjølv om dei er små, har ikkje lenger med innkjøringstid å gjere. Achdè køyrer med ein feitare tusjstrek enn Morris, der er mindre snert i den og det er jo kjipt. Men teikningane elles er ganske solide og sjølv om nyansane i karakteranes uttrykk ikkje lenger er der så er han ein habil teiknar som i alle høve overflatisk liknar på Morris. At han zoomar inn mykje der Morris gjerne gjekk litt på avstand for å få inn heile tablået kan kanskje i utgangspunktet kallast eit stilistisk val, sjølv om eg meiner det svekker seriens uttrykk.

Det er i «skodespelet» til karakterane at Achdè sviktar. Morris var ein mester på subtile nyanser og reaksjonar og på visuelle gags, der skjedde gjerne 4-5 ting på ein gong, og det var før ein kom til teksten. Det særeigne, spretne og komiske kroppsspråket er no fråverande. Achdès teikningar her tener berre til å føre plottet frå eit punkt til eit anna, slik at serien ikkje lenger er så kompakt og opplevingsrik som i tidlegare album.

Dette er jo skuffande.

I tillegg kjem det at fleire av dei tekstlege kjenneteikna til Lucky Luke er vekke: dei små side-kommentarane og stikkarane; dei kjappe verbale vendingane som Goscinny la ned som «stilen» til serien; den klassiske saklege Western-forteljarstemma som vart nytta for å setje scena. Alt dette er vekke.

Dei interessante situasjonane Dalton-brørne vert vikla inn i vert heller ikkje skikkeleg utnytta. Der er nokre lette gags, men elles er det stort sett berre enkle plot-punkt som vert farne over med harelabb. Historia som er att er enkel, overflatisk og kjem med dårlege løysingar på plottet som ikkje er i tråd med karakterane.

Det er som om dette ikkje eigentleg er ei Lucky Luke historie.

SPOILER

Viss du ikkje ynskjer å vite korleis historia endar, slutt å lese no.

Som sagt så fer brørne Dalton av stad for å gjere seg rike enkeltvis. Joe ranar bankar, Averell startar ei pizzakjede, William tek over eit kasino og Jack vert politikar.

Med unnatak av Joe så vert eigentleg brørne Dalton lovlydige (sjølv om deira forretningar er noko lyssky). Og når Lucky Luke kjem for å arrestere dei, så er dei alle anten benåda eller beskytta av lova. Alle utanom Joe, som Lucky Luke finner i ein spøkelsesby saman med rans-utbyttet (ca ein million dollar).

Etter å ha lese 73 album så veit vel dei fleste av oss omlag kva som er å forvente her. Joe vert kanskje arrestert på direkten, noko som provoserar ein reaksjon i dei andre. Det at dei andre brørne teknisk sett er rehabilitert og benåda/ beskytta og ikkje kan takast vert løyst ved at dei gapar over for mykje og klarar å sabotere for seg sjølve. Dei vert kriminelle att og Lucky Luke kan berre kome inn og sveipe dei opp.

Noko sånt er det som burde skje.

Det som faktisk skjer er at Lucky Luke rir ut som ein svartkledd banditt, ranar dei millionane som kvar av dei (tilsynelatande) lovlydige Dalton-brørne har tent seg opp på lovleg vis og gøymer pengane i safen til Joe i spøkelsesbyen for å lokke brørne ut av sine «trygge soner» slik at han kan arrestere dei (utan at dei eigentleg har gjort nye lovbrot).

Så «helten» Lucky Luke steler 3 millionar lovleg opptente dollar frå menneske som etter alt å døme er rehabiliterte og samfunnsnyttige for å kunne lokke dei inn i ein situasjon der han kan arrestere dei. Det ville no Lucky Luke aldri gjere. Mest fordi Goscinny og dei fleste andre manusforfattarane som Morris jobba med i si levetid var for dyktige. Dei kunne finne løysinga på liknande «plot-dilemma» i skurkane sine eigne feil og manglar i staden for å maltraktere karakterane (spesielt Luke) for å få dei inn i eit plot som ikkje passa.

Dette albumet har absolutt ingenting med Lucky Luke å gjere. Det er ein sjuk spøk, og eg er berre lei meg for at eg ikkje var klar over det før eg kasta vekk tida på å lese det.

Det er ikkje berre at Lucky Luke slett ikkje er seg sjølv her, men dette plottet henger ikkje på greip, det er nytta lettvinte og ulogiske løysingar som går på tvers av Lucky Lukes etablerte karakter (og etiske rammer) og nesten kvar einaste scene er dårleg utnytta humoristisk i både tekst og teikningar.

Viss du er fan av Lucky Luke, unngå dette albumet som pesta.

Lucky Luke 74 : Den Ensomme Rytter
Manus : Daniel Pennac og Tonino Benacquista Teikningar: Achdé
52 Sider
Kr 59,90
Egmont Kids Media

divider
  1. Lucky Luke har ikke vært noe særlig siden historien om den enarmede banditt.
    Men dessverre tar du feil i en ting; er du fan kjøper du alt! ;)
    Kanskje denne burde få lov å dø sammen med Asteris, Sprint og diverse andre med utpregede dødskramper i utgivelsene?


    IpComics    22. March 2013, 12:29    #
  2. Sitat ABBA: “Money Money Money” osv.


    Arild    22. March 2013, 16:12    #
  3. Bare trist og kortsiktig profittankegang. Slik skaffer de seg ikke nye fans som vil etterspørre eldre utgivelser.


    Bodil Revhaug    22. March 2013, 16:46    #
  4. Dette er jo en enkelt anmelders mening, så kanskje noen flere tar sjansen og kjøper albumet for å si SIN mening…(jeg skjønner det ikke er lett etter en slik slakt).

    Det jeg ikke skjønner er hvorfor forlaget skifter manusforfatter etter at et solid fast team nå har laget serien over flere album. Hvis dette ikke kan gjennomføres videre, etter at de har blitt kjent med figuren og stilen, er det like godt å legge ned serien for godt. Jo flere kokker…

    Etter min ringe oppfatning har det kommet en rekke gode album etter Den enarmede banditt, bl.a. Langfinger.


    Jostein Hansen    22. March 2013, 19:56    #
  5. Eg vil slettes ikkje skremme nokon frå å seie si meining. Viss det ikkje var for det eg diskuterer etter Spoiler-varselet så hadde vel reaksjonen min vore meir “meh” enn slakt. Og eg sjekka litt rundt, korkje på nummer 9 (danmark) eller på franske eller tyske sider fann eg antydning til liknande slakt. Kanskje litt “meh” kommentarar, men ikkje verre. Så kanskje eg overreagerer? Eg trur ikkje at eg gjer det, men det kan vere interessant å sjå korleis andre opplever albumet. Og Serienett er alltid open for andre syn på seriane, etter mi erfaring.


    Knut Robert Knutsen    22. March 2013, 20:30    #
  6. Tja, jeg la bort albumet før det var halvlest, det sier da noe!
    Uansett om Langfinger var greit, Jostein, så var alt før banditten bedre!


    IpComics    23. March 2013, 00:10    #
  7. Lucky Luke har vært traurige greier etter 1977.
    Om en sammenligner med andre postGoscinnyalbum blir dette sånn midt på treet. Å la Lucky Luke bli kriminell er nok bare et billig triks for å skaffe et par overskrifter her og der.


    Audun    27. March 2013, 17:37    #
  8. Lucky Luke var kriminell i det første albumet som kom i Norge. Men det var jo Morris, så da så, eller …?


    IpComics    30. March 2013, 15:04    #
  9. Der var vel noko slikt i Proto-Luckky Luke, før Goscinny, og Lucky Luke har ofte spela skurk for å løyse eit problem, men der ligger mykje i korleis det vert gjort.

    Her handlar Lucky Luke på ein merkeleg måte fordi PLOTTET krever det. Dei gode Lucky Luke historiane (hovudsakeleg Goscinny sine) ville ha løyst problemet ved at Dalton-brørne øydeleggjer for seg sjølve på ein måte som er heilt i tråd med deira KARAKTER. Dette er karar som kan få ein million opp i nevane og så øydeleggje alt ved å knabbe ein 25-cents mynt frå ein tiåring berre fordi det vart for fristande.

    Det er det som utgjer skilnaden her: Om Dalton-brørne hamnar attende i fengsel fordi dei ikkje klarar å gi slepp på si sjølvdestruktive åtferd, eller fordi Lucky Luke ranar alle pengane deira og lurar dei til å bryte betingingane for sine respektive amnesti.

    I bunn og grunn handlar det om slapt handverk.


    Knut Robert Knutsen    30. March 2013, 16:05    #
  10. Her går diskusjonen ( for en gangs skyld?!) på det litterære, altså handlingen/plottet.

    Kriminelle er blitt ”hederlige” borgere og så går Lucky hen og tar pengene deres og får dem i fengsel.

    Er historien blitt forstått? Har den en dyp mening (som ofte historier har)?

    Spørsmålet er om kriminelle skal få gjemme seg under andre identiteter, og dermed slippe sin straff?

    Det er et spørsmål som kan diskuteres og funderes på!

    En forbryterjeger som finner byttet og tar det til eget bruk, hva med slikt? Skal han heller gi byttet til myndighetene og la dem skalte og valte med pengene?

    Også her kan det funderes, og hva med Fantomet, har ikke han skaffet seg sin formue på samme vis?

    Helgenen, den kjente forbrtyerjegeren, tok også byttet og sikret seg på den måten selv et lett liv, uten å måtte slite for det daglige brød, som vanlige folk.

    En annen ting, den norske tittelen er håpløs ”Den ensomme rytter”?! Er det Den sorte maske og Tonto som er på farten?

    Og sist, men ikke minst, tegneserier skal leses med et åpent sinn! Det er mangt som kan gi ettertanke i en verdensberømt serie som Lucky Luke!


    Bjoulv    30. March 2013, 18:40    #
  11. “Den Ensomme Rytter” er ei ordrett oversetjing av “Cavalier Seul”, den opphavlege franske tittelen.

    Og spørsmålet om korvidt ein forbrytar skal kunne unngå straff ved å flykte til ein annna jurisdiksjon er sjølvsagt interessant, men i det gamle vesten så var det ein realitet at mange framtredande og viktige pionerskikkelser for vestover for å legge ei kriminell fortid bak seg, og vart både lovlydige og ein positiv del av nasjonsbygginga.

    Det er ein del av mytologien om den amerikanske vesten på lik linje med den “forbetringsmytologien” ein ser i Australia, der ein òg hadde kriminelle som fekk ein ny sjanse i eit ugjestmildt land.

    Lucky Lukes handlingar stemmer ikkje overens med den Western-ånden han skal representere, med eit veldig humanistisk og pragmatisk syn på brot og straff og ein ide om at alle har rett på ein ny sjanse.

    I slike samanhengar står helten på sidelinja til skurken anten stadfestar si omvending på ein konkret måte eller feilar. Helten grip ikkje inn og saboterar, det går på tvers av “moral-spel” dimensjonen i desse Western-mytene.

    Det plottet vi møter i denne historia har ei ekstremt reaksjonær kjerne av kalvinistisk predeterminisme som ikkje stemmer overeins med Wesern-genrens religiøse gjenfødings-symbolikk. Den er eit vrengebilete av det Lucky Luke var tidlegare. Det er som om Fantomet med eitt skulle verte “The Punisher”.


    Knut Robert Knutsen    30. March 2013, 19:14    #
  12. “Det plottet vi møter i denne historia har ei ekstremt reaksjonær kjerne av kalvinistisk predeterminisme som ikkje stemmer overeins med Wesern-genrens religiøse gjenfødings-symbolikk”

    Du er inne på noe der, jeg sier ikke mer!


    Bjoulv    30. March 2013, 19:35    #
  Textile Hjelp

<- Eldre | Nyere ->

Siste kommentarer
Trond Sätre (ROCKY NETTOPP NÅ – 100!!)
håkon strand (ROCKY NETTOPP NÅ – 100!!)
Jostein Hansen (TEGNESERIER SOM SAKPROSA)
IpComics (FANTOMET NETTOPP NÅ - DEN TOMME TRONEN)
Bjoulv (FANTOMET NETTOPP NÅ - DEN TOMME TRONEN)
Thomas Askjellerud (FANTOMET NETTOPP NÅ - DEN TOMME TRONEN)
Jostein Hansen (FANTOMET NETTOPP NÅ - DEN TOMME TRONEN)
arild (FANTOMET NETTOPP NÅ - DEN TOMME TRONEN)
Paul Andreas Jonassen (FANTOMET NETTOPP NÅ - DEN TOMME TRONEN)
arild (FANTOMET NETTOPP NÅ - DEN TOMME TRONEN)