GIORGIO CAVAZZANO: ITALIENSK DISNEYS RENESSANSEMANN ( 4.09.12 )
Vi ser litt på karriera til årets Raptus-gjest Giorgio Cavazzano.
Cavazzano vart fødd i 1947 og har jobba profesjonelt som serieteiknar i 50 år no, sidan han starta som 14-åring som tusjar/assistent for Romano Scarpa. I den tida har han vorte veldig kjend for sitt arbeid på Disney-serier der hans etterkvart særs gjenkjennelege stil har blitt til ein slags modell for den italienske Disney-stilen.
Her i Noreg vil eldre serielesarar kanske først og fremst kjenne han att for andre serier som Western-serien ”Silas Finn” som gjekk i Pilot og ”Kaptein Rogers”, ein pionerserie som vart utgitt i album og i Tegneseriebokklubben.
Mange av hans Disney-serier, inkludert tidlege arbeid, har blitt utgitt i den Kvite Kjempebok-serien. Elles går det vel knapt ein månad utan at han dukkar opp med ein 30-40 siders historie i Donald Pocket.
Ved sidan av sitt arbeid med Disney så har han laga krimserier som Altai og Johnson, diverse westernserier og laga eventyr for diverse actionserier som Dylan Dog, Martin Mystere og Ken Parker.
For nokre år sidan laga han til og med ein ganske interessant Spider-Man-historie med forfattaren Tito Feraci der Spider-Man/Peter Parker vitja Cavazzanos fødeby Venezia.
Cavazzano vert rekna som ein allsidig teiknar med eit sikkert blikk for arkitektur, landskap og teknologi og er for mange som jobbar med Disney og humorserier rekna som ein av dei største nolevande meistrane.
The Art of Giorgio Cavazzano
Luca Boschi, Mauro Bruni, Roberto Irace
ISBN 88-86131-51-8
130 sider
ca 200 kroner
Lo Scarabeo
KRISTIAN HAMMERSTAD INNVIER GALLERI VIS <- Eldre | Nyere -> JILL THOMPSON: DEN SKUMLE (MEN GODE) FEEN