Blir gjennomført

Det blir Bergtatt i år også, sjølv om ikkje alle gjestene kan møte fysisk. Bergens andre teikneseriefestival finner stad på hovudbiblioteket den 17. oktober.

Bergtatt er framleis drive av ÜberPress-redaktør Are Edvardsen, som starta festivalen i 2018. Dei to første åra skjedde den i mai, på Teikneseriens Dag, men under koronakrisa blei det nødvendig å avvente situasjonen.   

Bergtatt blir den fjerde norske teikneseriefestivalen, med eller utan fysisk publikum, som blir gjennomført i år. Den er også den einaste attendevendande teikneseriefestivalen som i år kjem til å vere på omtrent same størrelse som den har hatt før, dvs. ein laurdags ettermiddag.

Gjestelista består av Karstein Volle, Jenny Jordahl, Thomas F. Eriksen, Mac & Andreas Håndlykken og Trine H. Sejrup. Dessverre kan berre den sistnemnte av desse møte fysisk i Bergen. Talet på gjester som kan vere i salen er også avgrensa, slik vi etter kvart har vent oss til. Til gjengjeld blir innslaga strømma.

Følg med på arrangementsida på Facebook og arrangementsida for biblioteket for oppdateringar.

Legg igjen en kommentar

Din e-postadresse vil ikke bli publisert.