KLART FOR JULERAPTUS (29.11.10 )
På laurdag vert det JuleRaptus i Bergen. Eit eige panel skal mellom anna sjå nærare på julehefta.
Raptus er i ferd med å få fleire arrangementsdager enn dei tre septemberdagane sjølve teikneseriefestivalen går av stabelen. Fleire gonger har det vore stelt i stand MiniRaptus, men no er det meir på gong. Laurdag 4. desember er det for fyrste gong JuleRaptus, og det finn stad på BarBarista i Bergen klokken 1700. Det er BarBarista som skriv dette på sine nettsider.
Eit panel med Serienett-redaktør Kristian Hellesund og Raptusgeneralen Arild Wærness tek “ein rundtur i julehefteskogen, med fokus på spesielt interessante hefte frå årets hogst”, vert det lova. I tillegg skal neste års Raptus og ein førebels gjesteliste presentarast.
JuleRaptus er gratis.
-Alle som er opptekne av serier eller julehefte bør komma innom! oppmodar arrangørane.
Les meir om JuleRaptus hos BarBarista:
http://barbarista.no/2010/11/juleraptus-laurdag-4-12-kl-1700/
EN HIMMELSK HUND <- Eldre | Nyere -> NO STARTAR NM I DONALD 2010