HOMOEROTISK PERFORMANCE AV FØRSTE KLASSE (17.09.12 )
Dette er ikkje berre teikneserie, det er teater.
NB: Serien er på engelsk.
Ved første blikk er «When we x-met-x Lucy Knisley» ei enkel fanzine om to nerdete serieteiknarar som av uvisst kva grunn finner ut at dei skal tilbe og prøve å gjere kur til den amerikanske serieteiknaren Lucy Knisley som var gjest på Raptus i 2011. (Hyggeleg dame, forresten). Innimellom oppsummerer dei ein del om det bergenske seriemiljøet og sjølve festivalen og har mellom anna med skamklippinga av Kim Holm.
Denne utgåva er ein Special Edition med fleire nye «Deleted scenes». Som «Angry Fred». Må opplevast.
Men for dei som har fulgt med på Fredrik og Eirik det siste året, så har dette ikkje berre vore arbeid med ei fanzine men ein vedvarande Performance (grenseoverskridande teater i det offentlege rom). Ein performance som vart halden ved like gjennom Raptus 2012 i tillegg.
For all del, kjøp teikneserien, men ver klar over at fanzina berre er ein del av eit større, 1 år langt efemerisk kunstverk som ein kan finne spor av i youtube klipp frå Raptus 2011 og 2012 og diverse av Frederik og Eiriks facebook-innlegg og liknande i året imellom.
Det har vore ei unik oppleving. Bravo.
When we (x – met -x) Lucy Knisley.
Fredrik Rysjedal og Eirik Andreas Vik
60 sider
50 kroner
Intet Forlag
AKKURAT PASSE SALT <- Eldre | Nyere -> DEN VANSKELIGE FØRSTEOGENHALVBOKA