BAH! HUMBUG! (27.11.12 )
Midthuns Donald overbeviser ein skeptiker.
Eg har ikkje lagt skjul på det tidlegare at sjølv om eg likar Donald-historiane til det Norske Pro-Duck-sjonsteamet så har eg heile tide følt at noko mangla. Dei hadde ikkje heilt truffe nerven, knekt koden til Barks sitt nivå av det djupe, menneskelege i historiane.
Men no har det skjedd. Knut Nærum, Tormod Løkling og Arild Midthun har levert ein rivande god, instant-classic julehistorie i rein Barks-ånd.
For ikkje å spoile alt: Donald manglar pengar til julepresangar til gutane, og Onkel Skrue gir han eit mystisk oppdrag i tre delar, der han skal hjelpe anleggsmannskapet til Skrue med å rydde veg inn i villmarka, men noko dei ikkje kan sjå saboterar dei heile tida. Løyndomar vert avslørd og vi lærar noko nytt om Onkel Skrue.
Mykje godt konstruerte gags her, men under det så er det lag på lag med klassiske referansar og ei klar menneskeleg nerve. Og ei historie så kompakt og kjøttfull at den henger ved deg. Dette er ei julehistorie som faktisk handlar om noko, slik dei beste ofte gjer, men fortalt med lett penn.
Ei kjekk Donald historie, mykje moro for dei yngste lesarane, men ei historie som gir meining for alle aldrar. Denne kan ein lese kvar jul.
Eg bøyer meg i støvet.
(Bakerst i heftet er ein 24-stripers Adventsserie òg, «Julestjerna», av Løkling og Midthun. Ganske underhaldande den òg. Eg kan ikkje hugse å ha lese den før, så eg veit ikkje kva år den er frå).
Donald: Julebekken
Manus: Knut Nærum og Tormod Løkling, Teikningar Arild Midthun
Kr 49,90
36 sider
Egmont Serieforlaget
JULEKRIM MED KNUT GRIBB <- Eldre | Nyere -> EGMONTS JULEBORD
Hm. Må kanskje ha dette likevel, da. Bladde litt i det i butikken, men syntes det så sånn bråkjekt action-aktig ut, i samme gate som det første juleheftet fra trioen, og det gad jeg ikke lese ferdig engang.
Toppers at du anmelder alle disse heftene!
— Bodil Revhaug 28. November 2012, 03:21 #
Julestjerna var den tredje adventsstripesekvensen. Utan å sjekke det opp er eg relativt sikker på at den kom i 2007, hugsar at nummer 2 (den med Magica og snømannen) kom i 2006.
— Olaf Moriarty Solstrand 28. November 2012, 22:49 #