OCX 2013 - SERIEMORD (14.06.13 )
Som avslutting på festivalen tok Flu podcasten sin til OCX.
Av: Knut Robert Knutsen
Bilder av Trond Sätre
Programdelen av OCX vart avslutta med eit «Seriemord». Ein uformell paneldebatt med Jeff Lemire, Michael DeForge og Gabrielle Bell.
Leiar for Seriemord var som vanleg Flu Hartberg og medan dei samtale, teikna Bendik Kaltenborn bilete i photoshop, utifrå det som vart sagt, som vart projisert opp på skjermen. Ein «chalk-talk» variant, altså, som var ein morosam og umisseleg del av opplevinga.
f.v. Jeff Lemire, Michael Deforge, Gabrielle Bell og Flu Hartberg. Tegning på skjerm av Bendik Kaltenborn
Podcasten vert publisert av OCX/ Seriemord på deira webside og gjennom deira vanlege kanalar så vi skal ikkje oppsummere for mykje.
http://www.oslocomicsexpo.no/seriemord/
Denne utgåva starta med temaet «Kva gjer ein når ein som teiknar møter det første tomme kvite arket?»
Deretter handla debatten passande nok mest om prosess, om inspirasjon, arbeidsmåtar og motivasjon. Jeff Lemire snakka til dømes om korleis han opplevde at han heile tida tenkte på historier, dialog og plotproblem, og for hans del så var arbeidsdagen hans planlagt til 2015. Medan Michael DeForge jobbar med teikneseriar innimellom sitt arbeid som produksjonsdesigner og har eit meir avslappa forhold til den delen, men han ender likevel opp med å arbeide mykje.
Gabrielle Bell kom inn på korleis ho samla idear i skissebøker og dagbøker og den prosessen ho går igjennom for å gå frå eit format der ho «snakkar» til dagboka til eit der ho «snakkar» med lesaren.
Samtala vart etterkvart særs opplysande og interessant, spesielt kanskje for håpefulle forfattarar og serieskaparar som kanskje i ein av desse tre finner ein del interessante arbeidsmåtar som passar deira prosess.
I dei vel 50 minutta samtalen varte, fekk ein eit veldig fyldig og variert innblikk i dei forskjellige serieskaparanes kreative prosess, og dette var etter mi meining det beste Seriemord hittil.
Anbefalast på det varmaste.
God stemning på OCX-festen etter Seriemord. Gestikulerende i midten ser vi Luke Pearson
OCX 2013 - GRAHAM OG DEFORGE <- Eldre | Nyere -> NORDISKE BARNESERIER