ENNO MEIR DISNEY-JUL ( 6.12.12 )
Egmont pøser på med meir Disney-juleserier.
Eg har to Disney-seriar til her: Prinsesser som feirar jul og ei Donald-pocketbok i hardcover.
Prinsesser
Dette er eit julealbum for små prinsesser, det følger med eit halskjede med «Princess» på berre for at ein ikkje skal ta feil.
Det startar bra med ei nydeleg teikna Tornerose-historie, dette er høgdepunktet i heftet. Dei andre historiane med Snøkvit, Askepott, litt meir Tornerose og 2 doser med Ariel (den lille havfruen) er litt meir middels på teikningane, men greit og enkelt fortald og sikkert attraktivt for målgruppa. Det handlar om vennskap og å ha det gøy i jula.
Eit greit julehefte for ei veldig klart definert målgruppe. De veit sjølve best om de må kjøpe det eller ikkje.
Prinsesser Julealbum
Av Diverse (Italiensk produksjon)
52 Sider
Kr 63,50
Egmont Serieforlaget
Julepocket
Tradisjonen tru kjem der eit Donald-Pocket med stive permar til jul. Bra julehistorier av ein del habile italienske teiknarar. Ikkje mine favorittar (Cavazzano, Mastantuono og Massimo Di Vita) men mykje anna bra. Her er ei oversikt frå Inducks av den danske versjonen av boka:
http://coa.inducks.org/issue.php?c=dk/JK+++19#p171
Historier om Skrue, Mikke og Donald, såvel som bifigurar som Guffen, Petter Smart og Raptus von Rupp. Tilsaman eit variert utval av veldig gode julehistorier med nokre ekstra flotte av Casty.
Donald Ducks Julehistorier
Av (se over)
264 Sider
Kr 79,90
Egmont Serieforlaget
TRUFASTE SLITARAR - JULA 2012 <- Eldre | Nyere -> KATZENJAMMERJUL
Gleder meg til Casty-historiene selv! :) Og må forresten si jeg liker både Cavazzano og Massimo Di Vita selv, så dette høres bra ut. Mastantuono kjenner jeg derimot ikke til (i hvert fall ikke ved navn).
— Marius Hestness 10. December 2012, 04:26 #
Eg trur du har lese feil. Mitt poeng var at Cavazzano, Di Vita og Mastantuono (som er mine favorittar og nokon av dei mest kjende) IKKJE er blant bidragsytarane og at det difor ikkje var så attraktivt for meg personleg.
Viss du les Inducks-linken så vil du kunne sjå ei komplett liste over historiane og dei som faktisk var med på å lage boka.
Eg beklagar om det var forvirrande.
— Knut Robert Knutsen 10. December 2012, 07:40 #