Arild Wærness og Knut Robert Knutsen oppsummerar heile årets Bergen BTT i ein serie med korte og ledige samtalar
Førre helga, den 15-17. november, blei teikneseriefestivalen Bergen Tekst & Tegning (BTT) arrangert for tredje gongen, i år på Hovudbiblioteket i Bergen. Ei omfangsrik gjesteliste blei toppa av Malin Falch, Arild Midthun og Jenny Jordahl på teiknarsida, og Tonje Tornes på den redaksjonelle sida (les om programmet her).
I denne podkasten tek Arild Wærness og Knut Robert Knutsen fortløpande for seg heile festivalen. Opptaka er gjort under og like etter BTT, i fire bolkar.
For ordens skuld: Både Arild, Knut og podkastredaktør var med på å arrangere BTT.
Forsidebilete: Europeisk festivalmøte på årets BTT. F.v Melina Edvardsen (Oslo Comics Expo), Simeon Leech og Carol Tait (Lakes International Comic Art Festival, Storbritannia), Joanna Birek-Fita (Festiwal Komiksu/Centrum Komiksu, Łodz, Polen), Klara Vörösova og Marek Vörös (Frame i Praha, Tsjekkia) og Heiner Lünstedt (Comicfestival München, Tyskland). Fotografi: Trond Sätre
