Ei veke før utdelinga på OCX er kandidatane til «Årets Tegneserie» klar. Lista er domnert av auteurprosjekt frå kjente serieskaparar, med eitt unnatak

Det er sjuande året prisen blir delt ut, som vanleg i samband med Oslo Comics Expo. I år skjer utdelinga på laurdag 18. juni, klokka 21.00 på Serieteket, som siste programposten før den store OCX-festen

Tidlegare vinnarar er Anja Dahle Øverbye for Hundedagar i 2016, Lars Fiske for Grosz i 2017, Kristoffer Kjølberg for En som het i 2018, Steffen Kverneland for En frivillig død i 2019, Mette K. Hellenes for Kebbelife: Burning Babe i 2020, og Kristan Krohg-Sørensen for Gulosten: Gentlemansforbryteren i 2021. Med unnatak av første året har alle vinnarar vore utgjeve av No Comprendo Press.

Prisen går til ein norsk teikneserieskapar som, etter juryens meining, har utmerka seg på et høyt fagleg nivå, og inkluderer ein pengepremie på 40 000 kroner.

Serienett hadde dette å seie om de fem nominerte (følg lenkene for fullstendige anmeldingar):

O bli hos meg
Av Lene Ask
No Comprendo Press

«Oppsettet er såpass enkelt, og historiene så interessante, at man kunne fortsatt å lese denne typen bok flere hundre sider til ende. Faktisk er det litt som å scrolle gjennom memes eller bilder på Instagram, og man får aldri nok.»

*

Brillegeit
Av Steffen Kverneland
No Comprendo Press

«I Brillegeit er samanhengen mellom stilblandinga og det narrative enda meir tydeleg som eit ledd i å vise breidda og utviklinga i Kvernelands kunst. Nyare og eldre teikningar og måleri er fletta saman på ein måte som utdjupar teksten. Dette er next level künstlerroman.»

*

Katten og Kråka
Av Arild Torvund, Trine Lise Normann og Are Edvardsen
Überpress

«At «Katten og kråka» endeleg gir Trine Lise Normann høve til å utfalde seg skikkeleg, er god nok grunn til at den skal eksistere.«

*

Weltschmerz # 10 A
Av Christopher Nielsen
No Comprendo Press

«Me snakkar klassisk einmanns undergrunnsantologi i ein litt oppsvulma middagshøgdeversjon. Det kjennest både nostalgisk og kjent, samtidig som det kjennest nytt og friskt i den norske teikneseriefloraen, noko som må seiast å vere ei bragd. Eg kan ikkje hugse sist det var så utmattande å lese ein ny norsk teikneserie. Og eg meiner det positivt.»

*

Ubesvart Anrop
Av Nora Dåsnes
Aschehoug

«Også for dem som opplevde terroren på samme måte som Rebekka, kan dette være en fin bok å lese, både ved å gi håp og kanskje en slags aksept av følelser som ikke har vært helt lett å håndtere, og ved å skape en forståelse av at man ikke har vært alene med dette.»